Viðburðir—Events – HLYNUR — ART

Ómetanlegt tækifæri: 15% afsláttur um helgina

Hlynur Helgason — Sat, 05 Oct 2019 10:59:46 +0000

Kæru listvinir! Vildi bara benda á að nú um helgina, í tilefni af þátttöku í TORGI listamessu, verður 15% afsláttur af öllum verkum í katalóg mínum. Það væri gaman að sjá sem flesta á Korpúlfsstöðum að skoða verkin, spjalla — og kannski kaupa á góðum kjörum. Þið getið einnig skoðað safnið á hér á vefnum, þar er yfirlit yfir öll verk og verð. Ég minni einnig á að á vegum SÍM veður boðið upp á greiðsluþjónustu á staðnum þar sem menn geta dreift greiðslum af verkum þannig að henti fjárhag hvers og eins.

Hlynur Helgason með bás á TORGI listamessu 4.–6. október

Hlynur Helgason — Wed, 02 Oct 2019 22:34:11 +0000

Kæru vinir og félagar. Mig langar til að bjóða ykkur á TORG listamessu sem haldin verður á Korpúlfsstöðum um næstu helgi, 4.–6. október.
Ég verð þar ásamt tugum annarra listamanna með bás. Þar gefst fólki kostur á að skoða verk mín og annarra. Þetta er tilvalið tækifæri fyrir þá sem hafa áhuga á verkum mínum að líta við og verða sér út um þau verk sem þeir hafa áhuga á.

Opið stúdíó og vernissage laugardag 13. apríl frá 4 til 7

Hlynur Helgason — Tue, 09 Apr 2019 23:33:09 +0000

Nú er komið að því á ný. Þar sem ég hef lokið við að gera nokkuð af nýujum verkjum langar mig til að bjóða vinum mínum að líta við í stúdíóinu næstkomandi laugardag, þann 13. apríl, frá 4 til 7, á Hólmaslóð 4.

Í fyrsta lagi kem ég til með að sýna nýja röð olíumynda, 8 myndir í stærðinni 80 x 80 þar sem nýjar áherslur í kerfismyndum eru kynntar til sögunnar.

Auk þess kem ég til með að kynna nýtt ljósmynda- og kvikmyndaverk, sem ber heitið Höfnin — flæðarmál, verk þar sem efnið er tekið í flæðarmálinu í Reykjavíkurhöfn.

Í boði verða léttar veitingar. Ég hlakka til að sjá sem flesta!

Höfnin – flæðarmál, 2019, vídeórammi.

Opið stúdíó og vernissage laugardag 8. desember frá 3 til 7

Hlynur Helgason — Sun, 02 Dec 2018 20:18:21 +0000

Nú er orðið ansi langt síðan ég síðast bauð vinum til fagnaðar í stúdíóinu og mikið að gerast. Þess vegna langar mig til að bjóða ykkur að fagna með mér þann 8. desember frá 3 til 7 og skoða ný verk.

Ég hef lokið við mynda röð af litlum blekskissum og haldið áfram með akvarellur. Auk þessa er ég byrjaður á tilraunum með ný málerk unnin með akrýllitum á pappír. Þar hef ég þegar lokið einni 8 mynda röð og lofar verkefnið góðu.

Á sviði ljósmyndunar hef ég haldið áfram með skipulega útgáfu mynda. Nú í haust gerði ég 16 mynda röð sem er tekin á Austurvelli og til minnis um að 10 ár eru liðin frá hruni. Hún getur einnig verið visst innlegg í umræðuna um 100 ára fullveldi með valdastofnanir í bakgrunni og Jón Sigurðson í miðju myndar.

Ég hef einnig hafið skipulega vinnu við að vinna úr eldra myndefni, nokkuð sem er að skila árangri. Um er að ræða efni sem hefur verið nýtt í innsetningar og sýningar á ýmsu formi í tímans rás, en hefur ekki verið formlega kynnt á skipulegan hátt þess fyrir utan. Nú hef ég lokið við útgáfu á tveimur röðum frá Suður-Ameríku, Montevideo og Mañanas en Juana Azurduy. Sú fyrri telur 20 myndir og sú síðari 12. EInnig hef ég unnið útgáfu út frá myndröð sem var unnin sem innsetning fyrir sýningu í Nýlistasafninu árið 1996, Eyjar. Það er 5 mynda útgáfa.

Það er því af nógu að taka og vil ég því bjóða vinum í heimsókn að skoða verkin. Léttar veitingar verða einnig í boði.

Stúdíóið er á Hólmaslóð 4, úti á Granda, með inngang á miðjum vegg á bak við Kosmos og Kaos. Stúdíóið er einnig merkt á Google-kort ef þið þurfið frekari leiðbeininga við.

Nýtt stúdíó á Hólmaslóð 4 — opnun laugardag 28. júlí frá 3 til 7

Hlynur Helgason — Tue, 24 Jul 2018 14:25:29 +0000

Nú er ég loksins kominn heim frá Berlín og búinn að koma mér fyrir í nýja stúdíóinu á Hólmaslóð 4, úti á Granda í Reykjavík.

Í tilefni þess langar mig til að halda smá innflutningsfögnuð og bjóða vinum að taka þátt í þessum tímamótum með mér.

Til sýnis verða allmörg ný verk sem ég er búinn að vinna að undanfarið hálft ár.

Nýja stúdíóið er staðsett í álmunni á bak við Kaos og Kosmos sem blasir við þegar fólk ekur austur Fiskislóðina.

Vernissage 16. desember kl. 5

Hlynur Helgason — Tue, 12 Dec 2017 23:18:23 +0000

Öllum er boðið á vernissage vegna nýrra verka á vinnustofunni Nýlendugötu 14 (gengið inn um leynidyr frá Mýrargötu). Viðburðurðinn á sér stað laugardaginn 16. desember frá kl. 5 til um 7. Vonandi sjá sem flestir sér fært að mæta!

Opin vinnustofa á Degi myndlistar

Hlynur Helgason — Fri, 30 Oct 2015 19:20:13 +0000

Laugardaginn 31. október býð ég áhugasömum að líta við á nýrri vinnustofu minni á Nýlendugötu 16 (gengið inn á milli dyranna á Forréttabarnum á Mýrargötu). Boðið verður upp á léttar veitingar.

Þar gefur að líta upphafið á nýju málverka-verkefni þar sem 6 verkum er þegar lokið. Auk þessa geta áhugasamir fengið að skoða nokkuð af því sem ég hef verið að gera á undanförnum árum.

Saturday, October 31, I’m inviting interested parties to look at my new studio at Nýlendugata 16 (accessed via a door inbetween the ones of Forréttabarinn in Mýrargata). There will be light refreshments.

On view is the beginning of a new painting project where 6 works are already completed. In addition, those interested can get to see some of what I have been doing in recent years.