HLYNUR — ART

Myndasafn

Hlynur Helgason — Sun, 23 Oct 2022 22:51:00 +0000

Velkomin í Hólmaslóð!

Hlynur Helgason — Wed, 18 Dec 2019 17:45:44 +0000

Það hefur borið við að fólk hefur sýnt því áhuga að koma að skoða verk hjá mér núna fyrir jólin. Vegna þessa verð ég með viðveru í stúdóinu á ákveðnum tímum næstu daga, fimmtudag, föstudag, og laugardag, frá a.m.k. 1–5 alla dagana.

Áhugasömum er velkomið að kíkja við og skoða verkin og gæða sér á piparkökum og kaffi í leiðinni. Hlakka til að fá sem flesta í heimsókn!

Ómetanlegt tækifæri: 15% afsláttur um helgina

Hlynur Helgason — Sat, 05 Oct 2019 10:59:46 +0000

Kæru listvinir! Vildi bara benda á að nú um helgina, í tilefni af þátttöku í TORGI listamessu, verður 15% afsláttur af öllum verkum í katalóg mínum. Það væri gaman að sjá sem flesta á Korpúlfsstöðum að skoða verkin, spjalla — og kannski kaupa á góðum kjörum. Þið getið einnig skoðað safnið á hér á vefnum, þar er yfirlit yfir öll verk og verð. Ég minni einnig á að á vegum SÍM veður boðið upp á greiðsluþjónustu á staðnum þar sem menn geta dreift greiðslum af verkum þannig að henti fjárhag hvers og eins.

Hlynur Helgason með bás á TORGI listamessu 4.–6. október

Hlynur Helgason — Wed, 02 Oct 2019 22:34:11 +0000

Kæru vinir og félagar. Mig langar til að bjóða ykkur á TORG listamessu sem haldin verður á Korpúlfsstöðum um næstu helgi, 4.–6. október.
Ég verð þar ásamt tugum annarra listamanna með bás. Þar gefst fólki kostur á að skoða verk mín og annarra. Þetta er tilvalið tækifæri fyrir þá sem hafa áhuga á verkum mínum að líta við og verða sér út um þau verk sem þeir hafa áhuga á.

Heima — í Skógargerði 2021

Hlynur Helgason — Thu, 26 Aug 2021 00:04:04 +0000

Myndaröð sem ber titilinn „Heima — í Skógargerði.“ Myndirnar eru síanótýpur, bleiktar í þvottasóda og tónaðar í tannínsýru, unnar á Hahnemühle 265g bambuspappír. Skuggarnir haldast blágráir með þessari vinnuaðferð á meðan ljósari fletir fá á sig brúngráan blæ. Sérhver mynd er einstök, það veltur á því hversu lengi myndin er bleikt og tónuð hver endanleg niðurstaða verður. Myndirnar eru gefnar út í tveimur stærðum, 20×20 cm, í 16 tölusettum eintökum, og 30×30 cm, í 8 eintökum.
||
A series of photos entitled „Heima – í Skógargerði.“ The images are cyanotypes, bleached in baking soda and tinted in tannic acid, printe on Hahnemühle 265g bamboo paper. The shadows stay blue-gray with this working method, while lighter surfaces take on a brown-gray hue. Each image is unique, the final result depends on how long the image is bleached and toned .. The pictures are published in two sizes, 20×20 cm, in 16 numbered copies, and 30×30 cm, in 8 copies.

Post type with a slug of "product" is not registered.

8 fletir – akrýl a pappír 32 x 32 – 2019

Hlynur Helgason — Thu, 18 Jul 2019 22:55:37 +0000

Hér er um að ræða nýja röð akrýlmynda á bambuspappír í stærðinni 32×32 cm. Hvert verk er byggt upp af 8 lögum af þunnri akrýlmálningu sem þekur allan flötinn í hverri umferð. Forsendur myndraðarinnar og uppbygging hverrar myndar eru fengnar út frá aukastöfum pí á hexadesimal formi. Í þessari myndröð eru 12 stefnur mögulegar í málunarátt og litir valdir úr 48 mögulegum litum. Pí ræður lit flatarins og stefnu málunar í hverri umferð.

Einnig minni ég á að ævinlega er hægt að koma við í stúdíóinu að Hólmaslóð 4 til að kynna sér verkin nánar. Áhugasamir geta hringt í mig í síma 661 8723 til að ákveða tíma.

Post type with a slug of "product" is not registered.

16 rendur – akrýl a pappír 64 x 64 – 2019

Hlynur Helgason — Sat, 07 Dec 2019 14:31:42 +0000

Hér er kynni ég nýja röð akrýlmynda á þykkan akvarellupappír í stærðinni 64 × 64 cm. Hvert verk er byggt upp af 16 röndur af þunnri akrýlmálningu sem þekur allan flötinn í hverri umferð. Forsendur myndraðarinnar og uppbygging hverrar myndar eru fengnar út frá aukastöfum pí á hexadesimal formi. Í þessari myndröð eru 12 stefnur mögulegar í málunarátt og litir valdir úr 48 mögulegum litum. Pí ræður breidd randarinnar, lit og stefnu málunar í hverri umferð.

Ég minni á að ævinlega er hægt að koma við í stúdíóinu að Hólmaslóð 4 til að kynna sér verkin nánar. Áhugasamir geta hringt í mig í síma 661 8723 til að ákveða tíma.

Post type with a slug of "product" is not registered.

Nýju olíumálverkin — 16 rendur

Hlynur Helgason — Fri, 19 Apr 2019 08:41:40 +0000

Hér birtast myndir af nýju olíumálverkunum sem kynnt voru til sögunnar á opna stúdíóinu um síðustu helgi. Þetta eru 8 myndir alls, 80 x 80 cm, málaðar með þunnri olíumálningu á striga. Hver mynd er byggð upp af 16 röndum sem málaðar eru þvert yfir flötinn í allar meginstefnur klukkunnar. Sem fyrr er litur, lega randar og breidd ákvarðað af aukatöfumtölunnar pí. Í þessum myndum er liturinn látinn þorna flatt, en ekki látinn leka eins og í flestum myndum undanfarið. Áhugasamir séð nánari upplýsingar um verkin í verkaskránni: KF#28a.

Einnig minni ég á að ævinlega er hægt að koma við í stúdíóinu að Hólmaslóð 4 til að kynna sér verkin nánar. Áhugasamir geta hringt í mig í síma 661 8723 til að ákveða tíma.

Höfnin — flæðarmál, ný ljósmyndaútgáfa

Hlynur Helgason — Mon, 15 Apr 2019 11:51:22 +0000

Komin er út ný útgáfa ljósmynda, Höfnin — flæðarmál, 24 myndir alls í þremur útgáfum. Myndirnar eru skipuleg skoðun á flæðarmáli og fjöruborði Reykjavíkurhafnar. Með því að smella á myndir af verkunum má fá fram stærri útgáfu. Áhugasamir séð nánari upplýsingar um verkin í myndaskránni: M#0009.

Einnig minni ég á að ævinlega er hægt að koma við í stúdíóinu að Hólmaslóð 4 til að kynna sér verkin nánar. Áhugasamir geta hringt í mig í síma 661 8723 til að ákveða tíma.

Post type with a slug of "product" is not registered.

Opið stúdíó og vernissage laugardag 13. apríl frá 4 til 7

Hlynur Helgason — Tue, 09 Apr 2019 23:33:09 +0000

Nú er komið að því á ný. Þar sem ég hef lokið við að gera nokkuð af nýujum verkjum langar mig til að bjóða vinum mínum að líta við í stúdíóinu næstkomandi laugardag, þann 13. apríl, frá 4 til 7, á Hólmaslóð 4.

Í fyrsta lagi kem ég til með að sýna nýja röð olíumynda, 8 myndir í stærðinni 80 x 80 þar sem nýjar áherslur í kerfismyndum eru kynntar til sögunnar.

Auk þess kem ég til með að kynna nýtt ljósmynda- og kvikmyndaverk, sem ber heitið Höfnin — flæðarmál, verk þar sem efnið er tekið í flæðarmálinu í Reykjavíkurhöfn.

Í boði verða léttar veitingar. Ég hlakka til að sjá sem flesta!

Höfnin – flæðarmál, 2019, vídeórammi.